حلويات مغربية جديدة 2013

حلويات مغربية جديدة 2013 مقادير و طريقة عمل حلويات مختلفة و شكلها جميل و يدهش الضيوف





اليوم ان شاء الله غادي نزلكم مجموعة من الحلوى ونتمنى يعجبوكم

*المقادير:

500g دقيق

1 بيضة

2 م ك عسل

125g زبدة

قبصة ملح

1 كاس اتاي ماء زهر

الماء الكافي للعجن

*الحشو:

500g لوز مفسخ

250g سكر

2 م ك زبدة دايبة

3 م ك ماء الزهر

شوي مسكة حرة مدقوقة

كنجمعو مقادير العجينة كلها مزيان ونوضعوها في بلاستيك ونخليوها ترتاح مدة 20د

كنطحنو اللوز مع السكر+مسكة حرة مزيان ونجمعوهم بماء الزهر والزبدة

كنورقو العجينة مزيان خاصها تكون رقيقة



النوع الاول:

كنقطعو العجينة بطابع دائري ونوضعو كرة من الحشو وكنجمعو العجين بهده

الطريقة





من بعد نبسطوها مزيان



ونقطعوها على هدا الشكل بلا منوصلو للاخر



ونبداو نقلبوهم حتى نحصلو على شكل وردة






وهنا نفس الطريقة غير درتهم متباعدين





وللتزيين خديت شوي لوز مفسخ ومطحون وزدتلو الملون ودرتهم في الوسط



وندخلوهم للفرن 180د مدة 15 د او حتى يطيبو

وندهنوهم مباشرة بالعسل

الشكل الثاني:

كنقطعو العجينة بطابع دائري ونوضعو كرة من الحشو وكنجمعو العجين

من بعد كناخدو النقاش وكنقرسو الكرات من الجنب





ونوضعو فواكه معسلة من الفوق



وندخليهم الفرن حتى يطيبو وندهنوهم بالعسل مباشرة



الشكل الثالت:
كنوضعو قضيب من الحشو وسط العجين ونلويو العجين عليه(غير يتغطى الحشو)

ونقطعوه دوائر

كنلونو شوي عجين بالاخضر ونزينو بيه الحلوة من الفوق



وندخلوها الفرن حتى طيب

وزينتها في الوسط بحلوى صغيرة

الشكل الرابع:

250g لوز مصلوق

125g سكر

1 م ص زبدة غير دائبة

1 م ك ماء الزهر

بيض حسب الخليط

فواكه معسلة

للتزيين:

ابيض بيضة

لوز مصلوق ومهرمش

شوكولا دايبة

كنطحنو اللوز مع السكر مزيان ونضيفولو باقي العناصر

كنعملو من الخليط قطبان ندهنوها ببياض البيض ونمرروها في اللوز المهرمش





ونقطعوها على شكل مكعبات او معين



وندخلوها الفرن

ومنين تبرد نزينوها بالشكلاط ذائب